Mae'n sbel hir ers ein
diweddariad newyddion diwethaf.
Cyrhaeddodd y teulu cyntaf yng
nghanol mis Tachwedd ac maent yn ymgartrefu'n rhyfeddol o dda. Dechreuodd y
plant yn yr ysgol yn llawn amser ym mis Ionawr, yn dilyn diwrnodau blasu ym mis
Rhagfyr ac maen nhw’n ei mwynhau.
Mae tad y teulu yn gwirfoddoli yn
rheolaidd mewn caffi ac mewn mannau eraill pan mae'n gallu; mae’r fam yn
dysgu Arabeg i grŵp bach yn wirfoddol, unwaith yr wythnos. Mae lle i ychydig
mwy os ydych chi'n dymuno dysgu'r iaith hon sy’n gyfareddol o wahanol *.
Cyflwynwyd aelodau'r teulu i
Tambourine Tots, nofio, karate a phêl-droed, ymweliadau â'r parc bywyd gwyllt,
gig yn y Cellar Bar, a Sioe Nadolig yr ysgol. Cymeron nhw i gyd ran yng
ngorymdaith Llusernau Aberteifi, ar ôl iddynt wneud llusernau yng Nghanolfan
Byd Bychan.
Bydd CCB Croeso Teifi, ac yna
ddigwyddiad cymdeithasol, fis Mawrth 6ed am 7.30pm yn Neuadd y Santes Fair. Bydd
croeso i holl gefnogwyr Croeso Teifi. Caiff y gwahoddiad ffurfiol ei e-bostio
yn ddiweddarach gyda'r holl wybodaeth ofynnol.
Rydym yn edrych ymlaen at
ddechrau'r broses o setlo ail deulu. Mae rhai o'r tîm yn camu yn ôl am seibiant
[diolch am eich holl waith] felly rydym yn croesawu unrhyw un sy'n dymuno
cymryd rhan. Gallai ail deulu ymgartrefu yn nhref Aberteifi neu mewn cymuned
gyfagos. Mae gennym y rhan fwyaf o'r arian sydd ei angen ar gyfer yr ail deulu.
* ar gyfer dosbarth Arabeg,
cysylltwch â Vicky ar 07791 809 810 vickymoller@btinternet.com
Nawdd yng Nghymru a'r DU.
Mae cynlluniau yn dwyn ffrwyth yn
Aberystwyth, Hwlffordd a llawer o rannau eraill o Gymru. Mae cylchlythyr o un
cynllun ynghlwm. Rydym yn derbyn gwahoddiadau rheolaidd i gyfarfodydd yn
Llundain a Chaerdydd i drafod a rhannu profiad. Os oes rhywun eisiau mynychu
neu gael gwybod am y rhain, gadewch i Vicky wybod [* gweler uchod]. Fel arall,
dyma rai gwefannau a grwpiau Facebook i rannu diweddariadau a gwybodaeth:
No comments:
Post a Comment